ZER DA ETA NOLA SAIHESTU ZISTITISA

Zistitisa gernu-infekzio nahiko arrunta da, batez ere emakumeen artean.

Ba al zenekien kasuen % 95ean baino gehiagotan erantzulea Escherichia coli izeneko bakterio bat dela? Bakterio hori hesteetan egoten da, baina batzuetan maskurira iristea lortzen du, sintoma gogaikarriak eraginez. Kaltetuenak 14 eta 24 urte bitarteko emakume gazteak dira, baita 65 urtetik gorakoak ere. Gizonenkoetan ez da hain ohikoa, eta, oro har, beste gernu-arazo batzuekin lotuta egoten da.

Zistitis asintomatikoa ere badago: bakterioak daude, baina sintomarik gabe.

Nola jakin zistitisa duzun ala ez?

Adi seinale hauei:

Erremina pixa egiterakoan, mina sabelaldearen beheko aldean, komunera joateko premia larria, usain txarreko gernua, pixa odolarekina eta sukarra.

Arrisku faktoreak

Egoera batzuek zistitisa izateko aukerak areagotzen dute:

Desoreka mikrobiotan, higiene intimo desegokia, sexu-bizitza aktiboa, zundak edo diafragma erabiltzea, gaizki kontrolatutako diabetesa edo aldaketa hormonalak

Eguneroko aholkuak:

1. Elikadura osasuntsua eta orekatua: Fruta, barazki eta hidratazio asko.
2. Higiene intimo egokia: Beti aurretik atzera, bereziki komunera joan ondoren.
3. Saihestu bainu lurrintsuak, espermizidak edo desodorante intimoak.
4. Komunera joan behar duzunean: Ez eutsi gogoari, eta ondo hustu maskuria.
5. Ez dutxa baginalei: Flora naturala aldatzen dute eta kalte handia egin dezakete.
6. Osagarri erabilgarriak: Habi gorria eta D-manosa duten produktuak lagungarri izan dakizkizuke.
7. Kontuz antisorgailuekin: Saihestu preserbatiboak espermizidekin.
8. Sexua kontuz: Baginako eta uzkiko harremanek arriskua areagotu dezakete.

Zaindu zure gernu-osasuna ohitura sinple horiek hartuz. Prebentzioa da zure defentsarik onena.